Zoas jullie ok wel weete, staot de Oud Lunterse Dag weer veur de deur. We hen in saomewerking met Kelderman Catering en SikaFM weer besloote om de meziekdoos weer uut het stof te hengele en op zaterdag de heele ganse dag dikke piraote hits te draaie! We hen besloote om de zender maor thuus te laote omdat toch al het waarkvolk die dag in Lunteren te viende is. Wel hen we d’r veur gezorgd dat de minse naor ons kunne luustere via een livestream. We zorge veur genog LP’s vol mit piraote hits. Net as dat we al een keer hen gedoan in saomewerking op de radio op de 91.3FM - ok mit SikaFM.

 

We staon op zoaterdag vanaf een uur of 10 op de daarpstraot te draaie. Kelderman catering zorgt veur de innerlijke mens en voor veul drinke, want d’r steet goed weer op ons te wachte. In de loop van de marge en de middag zullen d’r wat actieve activiteite plaots viende, maar tussendeur zijn we genog te hoore. En in de loop van de middag as het hele halve daarp een bietje deur Luntere loopt, zullen de klanke van de piraotehits deur de hele dorpstraot te heure zin.

 

Wij hen d’r goedachtig zin an, je kunt een ploatje anvraage op 06-16874844 of kom gewoon naor veure en dan draaie we joe plaotje ff iets laoter.

 

Mit de Sika an de band, klinkt joe radio weer flambojaant! Tot op de Oud Lunterse Dag!